Mobile screen chahe kitni bhi badi hojae agar ham continuues use dekhte rahe to hmari ankho ka number badna lazmi hai . Agar ap mobile me movies ya videos dekhne ke shokeen hai aur chahte hai ki apna experience thoda aur jabardast kare to is post me koshish ki gai hai apko ek aise feature ke baare me btane ki jis se ap apne mobile ke chote screen ki koi b video ya phir apna pura mobile ka screen apne TV, Laptop ya Desktop PC par dekh paoge .

Ise kehte hai Mobile Screen Cast karna . Screen casting ek aisa feature hai jo ane wale time ke sath har smartphone me include kia ja raha hai. Badalte time ke sath agar ap apne TV ko dekhe usme kuch smart features b ane lag gae hai jaise Wifi , Smart connect , USB Connection ,HDMI Connection etc . Smart LEDs ke sath kuch aise smart home appliances bhi ane lage hai jo mobile operated devices ban chuke hai , jinhe ap ek click pe shuru aur band kr skte hai .

Agar ap janna chahte hai ki Mobile Casting feature kya hai aur iss se ap apne moble jo kaise connect krenge to is post ko pura padhiye.

Introduction

Mobile Screen Casting ka mtlb hai kisi smartphone ke screen ko asit is kisi tv , laptop, tablet ya kisi aur screen wale device par chala dena . Isme ap sirf ye dekh sakte ho ki apke mobile me kya activity ho rahi hai par ap apne mobile ko us connected device ke through use nhi kr paoge . For example : agar apne apne tv se apne mobile ko cast kia hai to agar ap apne mobile me messaging app kholte hai to wo apke mobile screen aur sath sath apke TV screen par bhi show hoga .

Mobile Screen Casting feature ko smartphones me viewing experience ko badhane ke liye dala gaya hai. Ap chahe to mobile casting feature se apne college projects , office projects ya gaming bhi bade screen par kar sakte hai . Kuch devices me ye option inbuilt hai aur kuch devices me ye option alag se ek device lene par ata hai . Jaise ap market ya online purchase kar skte hai , device ka nam hai Chrome Cast ya AnyCast .

Kuch mobiles me ye bhi feature hota hi ki ap casting kisi app ke through kr ske , aise playstore pe apko hazaaro ap mil jaenge .

 

Mobile Casting on Laptop : Experience

Laptop par ap kisi bhi Smartphone ko Cast krke kuch bhi kam kr skte ho , bas difference wahi rehta hai ki ap phone ka screen bas laptop par dekh pate ho , ap use laptop se control nhi kr paoge . Kyoki ye feature hota hai remote desktop ka jisme ap laptop ke through mobile control kr pate ho .

Laptop me apne mobile ka screen cast krne ke liye sabse phle apko jo feature chahie wo hai Wifi , Bluetooth aur apke device me inbuilt screen cast option . Laptop ki baat ki jae to apke laptop me Window 8 ya 10 hona jruri hai . Agar apke Pc ki window 7 ya is se old version ki hai to apko market se Anycast ya Chrome Cast jaise device lene honge .

Laptop me Screen Cast krne ke liye sbse phle apne laptop ka Wifi option On Karlen , uske bad sabse niche right side me apko jaha Time show ho raha hai uske right side me ek Notification menu dikhegi . Us notifiation menu me apko Project option pe click krna hai . Project Option pe click krne ke bad apko Wireless devices check krne hone to niche ek option dia hoga Connect to a Wireless Device thik waha se ap Project ki settings me phonch jate hai .

Uska bad apko wapas deskhtop par akar usi notification menu me Connect Button pe click krna hoga . Is waqt apka laptop tyar hojayega kisi bhi device se connect krne ke liye . Ab apko apne mobile me Screen cast feature On karne hoga jo apne upper menu me dikh jaega ya Settings me apko dikh jaega . Mobile se apko Wireless device ya Laptop ke liye scan krna hoga aur Device show hote hi apko connect ke button pe daba dena .

 

Need of Mobile Casting Feature

Mobile Casting ek acha feature hai jo apko help krta hai apne har kam ko ek bade screen par krne me , is se agar ap mobile me koi office ka kam kr rahe hai aya koi editing ka kam kr rahe hai to ap apne bade screen par dekhte hue us kam ko kr skte hai . Sath hi agar ap apne friends ya family ke sath koi movie ya online koi show dekhna chahte hai to Screen cast krke ap apne mobile ko ek bade SMART Tv se connect krne kuch bhi dekh skte hai .

Screen casting me apke internet ka istamal nhi hota , ye mobile ke inbuilt Wifi ka connection hota hai jis se mobile apne screen ki sari information connect hone wale device ko bhejta hai . Casting feature se agar ap apne bacho ko kuch naya sikhana chahte hai ya unhe entertainment ke liye koi movie dikhana chahte hai to wo bhi  kar skte hai .

 

Basic Requirements for Casting

TV ya kisi laptop par screen cast krne ka koi khas kharcha ya koi khaas devices apko nhi chahie hota . Iski jo basic requirements wo kuch aise hai

Mobile Requiements :

Mobile me 2 gb se jyada Ram ho to acha hai .

Mobile me screen cast ka option hona chahiye .

Mobile me Wifi aur Bluetooh Option hona jruri hai .

Laptop ya Smart Tv Requirements :

Apke laptop me Window 8 ya Window 10 hona jruri hai

Laptop me achi Ram aur Storage hona jruri hai

Laptop me Wifi Option hona jruri hai , nhi to apko ek Wifi device connect krna hoga.

Smart Tv me Wifi Option hona chahie .

TV Smart hona chahiye , nhi to simple LED ya TV me connect nhi hoga.

Hope apko ye post achi lagi hogi ,if you have any queries related to Mobile Screen Casting , you can place your feedback comments down below.